आज मिति २०८१ फागुन १० गते, यस गाउँपालिकाद्वारा सञ्चालित सामुदायिक सिकाइ केन्द्रका पदाधिकारीहरूका लागि तीन दिने नेतृत्व विकास तालिम सम्पन्न भयो। गाउँपालिका अध्यक्ष, उपाध्यक्ष र प्रमुख प्रशासकीय अधिकृत को उपस्थितिमा तालिमको उद्घाटन गरिएको थियो। तालिममा शंकर कुमार प्रधानले प्रशिक्षणमा सहजिकरण गर्नु भएको थियो। साथै सामाजिक विकास समितिका संयोजक कृष्ण बहादुर प्रजा द्वारा सहभागीहरूलाई प्रमाणपत्र वितरण गरियो। सहभागी सम्पूर्णलाई धन्यवाद!

प्रथम शहीद लखन थापा मगर तथा उनका सहयोद्धा जयसिंह चुमि राना मगरको १४८औँ स्मृति दिवस शहीद लखन किल्ला परिसरमा गाउँपालिका अध्यक्ष रमेश बाबु थापा मगरको अध्यक्षता र जिल्ला समन्वय समिति गोरखाका प्रमुख मोहन बहादुर थापाको प्रमुख आतिथ्यतामा विविध कार्यक्रमसहित सम्पन्न भयो, जसमा शहीदहरूको सालिकमा माल्यार्पण, शहीद तथा बेपत्ता परिवारका सदस्यहरू र किल्ला विकासका लागि जग्गादाताहरूको सम्मान, गाउँपालिकाका उत्कृष्ट कृषक तथा पशुपालकहरूको सम्मान, स्थानीय कलाकारको प्रस्तुति, विद्यालयका विद्यार्थीहरूको नृत्य प्रदर्शनी र दोस्रो शहिद लखन कप पुरुष भलिबल प्रतियोगिता २०८१ का विजयी तथा सहभागी खेलाडीहरूलाई पुरस्कृत गरि

शहिद लखन गाउँपालिकाको आयोजनामा माघ १५ देखि २१ गतेसम्म व्यवसायिक मौरीपालन सीप विकास तालिम सम्पन्न भयो। यस तालिममा प्रशिक्षणमा सहजीकरण गरिदिनुहुने श्री ध्रुव कुमार कार्कीज्यू, अवलोकन भ्रमणमा सहजीकरण गरिदिनुहुने व्यावसायिक कीट विकास केन्द्र, बन्दिपुर, तनहुँ र सहभागी सम्पूर्ण कृषकहरूमा हार्दिक आभार व्यक्त गर्दछौं।

माघे सक्रान्ति पर्व र माघी पर्व २०८१ को अबसरमा यस गाउँपालिकाका अध्यक्ष रमेश बाबु थापा मगर ज्यूको प्रमुख अतिथिमा, श्री हिमालय देवि युवा क्लव, घैरुङ्ग, गोरखाको आयोजना तथा शहिद लखन गाउँपालिकाको सह-आयोजनामा "माघि मेला २०८१" र "कृषि,पशु-पक्षी र मत्य प्रदर्शनी" सम्पन्न गरियो, जसमा फुटबल, दैड, गोरु जुधाउने जस्ता खेलहरू भएका थियो। साथै बिभिन्न प्रकारका रैथाने वालि, कफि, पशु, पक्षी, मत्य प्रदर्शनी गरी उत्कृष्ट किसानलाई प्रमाणपत्र र नगद सहित सम्मानित एवं पुरस्कृत गरियो। खेलप्रेमि, कृषक, कृषि व्यवसायी एवं सम्पूर्ण जनसमुदायको सक्रिय सहभागिताको लागि हार्दिक धन्यवाद व्यक्त गर्दछौ।