आज मिति २०८२।०४।०४ गते यस गाउँपालिकाका अध्यक्ष रमेश बाबु थापा मगरले उपाध्यक्ष, वडा अध्यक्षहरू, गाउँ कार्यपालिका सदस्यहरू तथा प्रमुख प्रशासकीय अधिकृतसँग चालू आव २०८२/०८३ को लागि कार्यसम्पादन करार सम्झौता सम्पन्न गर्नुभएको छ।

सहिद लखन गाउँपालिकाको गाउँसभाको सत्रौं अधिवेशन आज मिति २०८२ साल असार ९ गते सोमबारका दिन सम्पन्न भएको छ । आन्तरिक स्रोतबाट रु २ करोड ३७ लाख ८० हजार रुपैयाँ राजस्व प्राप्त हुने अनुमान गरिएको छ । त्यसैगरी संघ र प्रदेश सरकारबाट राजस्व बाँडफाँडमा प्राप्त हुने मूल्य अभिवृद्धि कर, अन्तःशुल्क, विद्युत रोयल्टी, घरजग्गा दर्ता दस्तुर, सवारी साधन कर लगायतका शीर्षकहरूमा रु ११ करोड ६१ लाख ७४ हजार १ सय ९२, संघीय समानीकरण अनुदानबाट रु १४ करोड १६ लाख, संघीय सशर्त अनुदान चालु रु २४ करोड ९८ लाख, संघीय सशर्त अनुदान पूँजीगत रु २१ लाख, संघीय विशेष पूँजीगत अनुदान रु १ करोड ६ लाख, संघीय समपूरक अनुदान पूँजीगत रु ८७ लाख प्राप्त हुने अनुमान रहेको छ । त्यसै गरी गण्डकी प्रदेश सरकारबाट प्रदेश समानीकरण अनुदान तर्फ रु १ करोड ९९ लाख ७८ हजार, प्रदेश समपूरक अनुदान पूँजीगतमा रु ६० लाख र प्रदेश विशेष अनुदानमा रु ४० लाख गरी प्रदेशबाट रु २ करोड ९९ लाख ७८ हजार, गत वर्षको नगद मौज्दात अनुदान र जनसहभागिता समेत गरी आगामी आर्थिक वर्षका लागि रु ५९ करोड ८२ लाख ८७ हजार १ सय ९२ रकम बराबरको विनियोजन गरिएको छ । उक्त रकम चालू आर्थिक वर्षका लागि विनियोजन गरिएको रकमभन्दा करिब १ प्रतिशत कम छ । विनियोजित रकममध्ये करिब २२ प्रतिशत पूँजीगत र ७८ प्रतिशत चालू खर्च रहेको छ । विषयक्षेत्रगत विनियोजन तर्फ २.४ प्रतिशत रकम आर्थिक विकास क्षेत्रमा, १०.४ प्रतिशत रकम सामाजिक विकास क्षेत्रमा, १४.२ प्रतिशत रकम पूर्वाधार विकास क्षेत्रमा, २.७ प्रतिशत सुशासन तथा अन्तरसम्बन्धित क्षेत्र (वन वातावरण तथा विपद् व्यवस्थापन समेत), कार्यालय सञ्चालन तथा प्रशासनिक खर्च (तलब भत्ता समेत) १८.६ प्रतिशत, सशर्त र विशेष अनुदानअन्तर्गतका योजना कार्यान्वयनका लागि ५१.७ प्रतिशत रकम विनियोजन गरिएको छ ।

मिति २०८२।०२।१४ गते अन्तर्राष्ट्रिय महिनावारी स्वच्छता दिवस (May २८) को उपलक्ष्यमा "मासिक धर्म स्वच्छता, किशोरीहरूको अधिकार र आवश्यकता" विषयक माध्यमिक विद्यालय स्तरको बक्तृत्वकला प्रतियोगिता सहिद लखन गाउँपालिका सभाहलमा सम्पन्न भएको छ। यस प्रतियोगितामा १० विद्यालयका विद्यार्थीहरूको सहभागिता रहेको थियो।
वक्तृत्वकला प्रतियोगिताका विजेताहरू:
प्रथम: आर्या गौतम, जनशक्ति माध्यमिक विद्यालय
द्वितीय: रिस्ता खनाल, शहिद स्मृति माध्यमिक विद्यालय
तृतीय: विमला बि.क., वक्रेश्वर माध्यमिक विद्यालय
सान्त्वना: विनिशा कँडेल, हिमालय माध्यमिक विद्यालय

आज मिति २०८२।०२।०६ गते शहिद लखन गाउँपालिका वडा नं ८ स्थित कुवापानी टोल मा सामी कार्यक्रम अन्तर्गत गहन अभिमुखीकरण वार्ड नं ८ का आदरणिय वडा सदस्य श्री ओम बहादुर खड्काज्यूको अध्यक्षतामा सम्पन्न भयो ।